zainab jidhar khuda tha udhar dekhti rahi
kat-te huwe hussain ka sar dekhti rahi

sar khole dekhti rahi jaate hussain ko
jitni bhi door uski nazar dekhti rahi
zainab jidhar...

gum hote dekhti rahi saaya hussain ka
uth-te huwe lahoo may bhawar dekhti rahi
zainab jidhar...

chalta raha nashayb may khanjar hussain par
khanjar ko dekh apna jigar dekhti rahi
zainab jidhar...

beh beh ke likh raha hai lahoo harf e la ilaah
behte huwe lahoo ka asar dekhti rahi
zainab jidhar...

thi har taraf se teeron ki baarish hussain par
thay har taraf bagolay jidhar dekhti rahi
zainab jidhar...

khanjar tha haaye haafiz e saamit ke haath may
naatif ko haaye khoon may tar dekhti rahi
zainab jidhar...

lagta hai intezaar tha jiska wo aa gaya
yun aankh sheh ki qaima ka dar dekhti rahi
zainab jidhar...

kya dekhti rahi wo barasta hua lahoo
kya shoron may ghira hua ghar dekhti rahi
zainab jidhar...

masroofe sayr e arsh raha mai jahan naved
har ankh mujhko khaak asar dekhti rahi
zainab jidhar...
Noha - Zainab Jidhar Khuda
Shayar: Naved
Nohaqan: Sajid Hussain Jafri
Download Mp3
Listen Online