shamiyon ghaur se tum suno aaj khutba mera
zainab hoo mai mera baba ali meri maa sayyeda
zainab hoo mai...

ye na samjho ke majboor o lachaar hoo
azme shabbir hyder ki talwaar hoo
marziye rab se gham may giraftaar hoo
baad e abbas mai hi alamdar hoo
pehchaan lo sunke lehja mera kaun hoo ba-khuda
zainab hoo mai...

jaan jaoge tum mera naam o nasab
jisme aaya hai sher e khuda ka laqab
uski beti hoo mai ye jaante hai sab
aaj dekhoge tum mera ghaiz o ghazab
mai sham ko jeet kar jaungi azm hai ye mera
zainab hoo mai...

meri rag rag may hai khoone khyber shikan
kya mujhe qaid kar payegi ye rasan
sher jaise baradar ki hoo mai bahan
kaamp jayenge lehje se kyun ho daman
waada wafa mai karoongi yahan bhai shabbir ka
zainab hoo mai...

ibne marjan jaisa najis aadmi
ye samajtha hai fatha usay milgayi
qatl hokar bhi zinda hai mera aqi
hai dilon par hukoomat mere bhai ki
baad az hussain bangayi mai hussain ye rajaz hai mera
zainab hoo mai...

dekhna kaam aisa mai kar jaungi
hogi is shehr par bhi hukoomat meri
hogi majlis yahan par mere bhai ki
mai mita doongi zehno se yun teeragi
hoga wohi maine jo keh diya ye hai daawa mera
zainab hoo mai...

mere khutbon se goonjengi ye waadiyan
lehjaye hyderi hoga sab pe ayan
yun gira doongi khutbaat ki bijliyan
ab ye aywan e zulmat rahenge kahan
reh jayega is faza may asr meri awaaz ka
zainab hoo mai...

sham walon suno baat meri mazeed
jitna chaho karo zulm hum par shadeed
mujhko khud par bharosa hai rab par umeed
bhool jayega bayyat ki baatein yazeed
ye azm hai aur aylan hai karke dekho wiga
zainab hoo mai...

tum kahan aur zehra ki beti kahan
rok payengi kya mujhko ye sakhtiyan
tod daalungi mai saari pabandiyan
jitni chahe bhi pehnado tum bediyan
jaana nahi tum ne shayad mujhe sunlo ahle jafa
zainab hoo mai...

binte hyder ka safdar ye elaan tha
apne bhai se jo maine waada kiya
sunlo ahle jafa sunlo ahle jafa
jaan dekar karoongi wo wada wafa
muztar hoo mai aur qaidi bhi hoo phir bhi hai hosla
zainab hoo mai...
Noha - Zainab Hoo Mai
Shayar: Safdar
Nohaqan: Safdar Abbas
Download Mp3
Listen Online