ay shame ghariban
ek shor hua khana e hyder hua taaraj
namoose nabi ka zar o zewar hua taaraj
jalte hue qaime hai ye shame ghariban hai
be goro kafan laashe ye shame ghariban hai
ay shame ghariban
zainab bibi ujad gayi hai, zainab bibi ujad gayi hai
ay shame ghariban

al atash al atash kehti hai sakina
allah allah ye shaan nabi ki ujad gayi hai
zainab bibi ujad gayi hai..

lo raakh hue qaime ek shore qayamat hai
ujdi hai abhi zainab aaghaz-e-musibat hai
pardes may be-parda zehra ki shabahat hai
veeran madina
allah allah ye shaan nabi ki ujad gayi hai
zainab bibi ujad gayi hai..

ye fatema zehra ki haa laadli beti hai
ujdi hui ek maa ki ujdi hui beti hai
naazon ki pali zainab ab khaak pe baithi hai
veeran madina
allah allah ye shaan nabi ki ujad gayi hai
zainab bibi ujad gayi hai..

abbas chale aao zainab ka ye noha hai
be-aas tera kunba sehra may akela hai
zainab ki sadaon se maidan larazta hai
veeran madina
allah allah ye shaan nabi ki ujad gayi hai
zainab bibi ujad gayi hai..

koi na raha baakhi shabbir ke lashkar ka
halqa hai bibiyo ka matam hai bhare ghar ka
zainab ne liya pursa ro ro ke bahattar ka
veeran madina
allah allah ye shaan nabi ki ujad gayi hai
zainab bibi ujad gayi hai..

bechain sakina hai reh reh ke jo roti hai
de de ke sadayein wo ammu ko bulaati hai
zainab liye godhi may masooma ko baithi hai
veeran madina
allah allah ye shaan nabi ki ujad gayi hai
zainab bibi ujad gayi hai..

tanhai ka aalam hai aur ghor andhera hai
zainab ko masaib ke sailaab ne ghera hai
ya shahe najaf aao ke door savera hai
veeran madina
allah allah ye shaan nabi ki ujad gayi hai
zainab bibi ujad gayi hai..

ya ali maula, ya fatema zehra

maqtal ke andhere may badne laga ek saaya
ujdi hui zainab ka dil seene may ghabraya
zainab ne bahot roka lekin wo badha aaya
shehzadi ne kya dekha ye to hai mera baba
beti ko kaleje se hyder ne jo liptaya
noha labe zainab par be-saakhta ye aaya
veeran madina
allah allah ye shaan nabi ki ujad gayi hai
zainab bibi ujad gayi hai..

ghar lutgaya ay baba dekho meri tanhai
na godh may bache hai na sar pe raha bhai
chaadar na bacha paayi mai ro bhi nahi paayi
veeran madina
allah allah ye shaan nabi ki ujad gayi hai
zainab bibi ujad gayi hai..

zainab ke tadapne par maqtal may qayamat thi
ye soch ke rotay hai rehan bhi sarwar bhi
kya guzri thi zainab par jab shame alam aayi
veeran madina
allah allah ye shaan nabi ki ujad gayi hai
zainab bibi ujad gayi hai..
Noha - Zainab Bibi Ujad Gayi
Shayar: Rehaan Azmi
Nohaqan: Nadeem Sarwar
Download Mp3
Listen Online