ye maahe muharram hai ye ayyame aza hai
matam ye mohamed ke nawase ka bapa hai

is maah may looti gayi zehra ki kamayi
talwaar mohamed ke nawase pe chalayi
is maah may jibreel se nauha ye suna hai
matam ye mohamed ke...
ye maahe muharram hai...

is mahe muharram ne qayamat ye dikhayi
is chand ne sughra ko khabar jaake sunayi
veeran madina hai basi karbobala hai
matam ye mohamed ke...
ye maahe muharram hai...

is maah may sadaat ne din kaise guzare
masoom ko pani na mila nehr kanare
kya zulm mohamed ke gharane ne saha hai
matam ye mohamed ke...
ye maahe muharram hai...

jab chaand muharram ka nazar aata hai humko
sajta hai azakhana to yaad aata hai humko
is chand may khoon aale mohamed ka baha hai
matam ye mohamed ke...
ye maahe muharram hai...

ashoor ka din bhool na payega zamana
loota gaya us roz mohamed ka gharana
us roz se dunya may bichhi farshe aza hi
matam ye mohamed ke...
ye maahe muharram hai...

kya hausle maaon ke thay kya sher thay bachay
wo maqsade zehra thi ye hydar ke iraade
in maaon se bachon se bani khaake shifa hai
matam ye mohamed ke...
ye maahe muharram hai...

wo auno mohamed ali akbar ali asghar
wo qasime naushah wo abbas-e-dilawar
maqtal inhi shehzadon ke zakhmon se saja hai
matam ye mohamed ke...
ye maahe muharram hai...

ho sarwar o rehan shanawar ke ali jee
hai naukri virse may hussain ibne ali ki
awaazo qalam dono isi dar ki ata hai
matam ye mohamed ke...
ye maahe muharram hai...
Noha - Ye Mahe Moharram Hai
Shayar: Rehan Azmi
Nohaqan: Ali Shanawar / Ali Jee
Download Mp3
Listen Online