ye chand taare ye phool kaliyan
hussain ka gham mana rahe hai
jahan may saare hussain waale
hussain ka gham mana rahe hai

khaleel e kaaba kahan ho aao
khaleel e karbobala ko dekho
hussain jalti hui zameen se
pisar ki mayyat utha rahe hai
ye chand taare...

hussain ke ye jigar ki taaqat
hai jis se ayyub ko bhi hairat
galay pe khanjar rawan hai lekin
hussain kalma suna rahe hai
ye chand taare...

kahin pe akbar sa gul badan hai
kahin pe qasim gul e hassan hai
jigar ke tukdo se shaahe waala
zameen e maqtal saja rahe hai
ye chand taare...

na jaane zainab ne kaise dekha
ajeeb manzar wo karbala ka
hussain gir gir ke uth rahe hai
tadap ke akbar bula rahe hai
ye chand taare...

charaghe qaima bujha ke sarwar
bana gaye hai ek aisa lashkar
unhi charaghon ki roshni se
charagh sab jag-maga rahe hai
ye chand taare...

ye udte badal ye behte darya
suno zara kya bata rahe hai
jahan khuda hai wahan hussaini
hussain ka gham mana rahe hai
ye chand taare...

padar ke seene pe sone waali
sumon se rehwaar ke hai lipti
sakina shayad samajh gayi hai
ke baba marne ko ja rahe hai
ye chand taare...

jahan jahan bhi hussainiyat hai
rehan o sarwar ye baat sach hai
hussain waale alam utha kar
hussain ka gham mana rahe hai
ye chand taare...
Noha - Ye Chand Taare
Shayar: Rehan Azmi
Nohaqan: Nadeem Sarwar
Download Mp3
Listen Online