ye chand hamay kaisa gardoon pe nazar aaya
jisne ghame zehra may khoon apno ko rulwaya

sughra ki nigahon may ruqsat ke wo lamhe hai
ghar walon ki furqat ne bemaar ko tadpaya
ye chand hamay...

phir kaale libason may sab log nazar aaye
phir matami halqon may har ghar se alam aaya
ye chand hamay...

jo zakhm bhare dil thay phir taaza huwe saare
noha ali akbar ka in honton ne dohraya
ye chand hamay...

phir sajne lagi mehendi naushaah ki ghar ghar may
farwa ki sadaaon se dil aur bhi bhar aaya
ye chand hamay...

ek chota sa mashkeeza masroofe buka dekha
jab saamne aankhon ke ghazi ka alam aaya
ye chand hamay...

ek nanhe se jhoole par pahunchi jo nazar meri
dil tukde hua mera khoon aankhon se barsaya
ye chand hamay...

jab haye hussaina ki har samt sada goonji
matam ki sadaon se phir charkh bhi tharraya
ye chand hamay...

akhtar ye qayamat thi aulad e payambar par
har sheh ka ujadne ki ashoor khabar laaya
ye chand hamay...
Noha - Ye Chand Hamay
Shayar: Ahktar
Nohaqan: Rizwan Zaidi
Download Mp3
Listen Online