ay azadaron suno ay naunehalon suno ay pusadaron suno
hussain ya hussain ya hussain ya hussain
kuch log deen e haq ko bachane ke waaste
be-ghar huwe kuch aise ke har ghar may aa gaye
ghar azakhana ban gaya ghar azakhana ban aya
ghar may zehra ke jab khadam aaye
shahe yasrab shahe umam aaye
pursa lene ko aa gaye hyder
unke bachon ke jab alam aaye
farsh majlis ka jab bichaya gaya
dil ne be saakta kiya nauha
ye azakhana e hussain hai
dil may shohrat hunar wafadari
zeenat e ishq ki hai tayyari
ahle matam ki bas ye khawish hai
khana e haq may ho azadari
nazre maula ka ehtemaam bhi ho
hamiyane khuda kare nauha
ye azakhana e hussain hai
ek alam ba-wafa ka sajta hai
is alam par khuda ka saaya hai
ho ke be-dast wo sakhi ab tak
saari dunya ki jholi bharta hai
aur dunya ko ye batata hai
mujhse milna ho to yahin aana
ye azakhana e hussain hai
khaali aaghosh waali maa behne
wo jo aulaad ko tarasti hai
unko aulaad bhi ata hogi
aake mannat agar yahan maane
ek jhoola yahan hai asghar ka
woh ata kar ke ye bata dega
ye azakhana e hussain hai
shab ki tanhayi may suno aksar
ek bibi yahan hai nauhagar
apne bete ka pursa lene ko
khud baqayya se aayi hai madar
rone walon se roke kehti hai
isko aabad hi sada rakhna
ye azakhana e hussain hai
qaid khane may pehli majlis ka
aao ehwaal sunlo ahle aza
marsiya khaan bibiyan saari
zakira un may saani e zehra
matami qaidiyon ke halqe may
nauha padte thay roke zainu'leba
ye azakhana e hussain hai
hai gham e karbala mere dil may
hai gham e be-rida mere dil may
zakhm zainul leba mere dil may
dard e mushkil kusha mere dil may
qabre shahe huda mere dil may
ab mere dil ko bhi kahe dunya
ye azakhana e hussain hai
baat mushkil hai ye khuda ki qasam
kya likhe mazhar abdi ka qalam
maa ki aagosh may suna nauha
maa ki aagosh may kiya matam
aur irfan jab alam dekhe
maine rote hue padha nauha
ye azakhana e hussain hai
|
|
