momino kissaye sadaat suno
thaam kar dil ye meri baat suno
khoon se likhe huwe halaat suno
ya zahra ali, ya zahra ali
ya zahra ali, ya zahra

momino kissaye sadaat suno
thaam kar dil ye meri baat suno
noor e kaunain madina hai jahan
ek mehalla bani hashim hai wahan
us mehelle ke hai ek ghar ka bayan
jis se behtar nahi dunya may makan
deen o emaan ke kirdaar ka ghar
panjetan paak ke anwaar ka ghar
dukhtare ahmed e mukhtar ka har
fatema hyder e karrar ka ghar
laadle inke hassan aur hussain
aur do betiyan thi noor e ain
ek kulssom thi ek baap ka zain
aur abbas dil o jaan ka chain
ghar ye tha bait e khuda
jisme quran uthra
aur kis tarha luta
itna rutba na zamana samjha
ya zahra ali...

kaisi mazloom magar thi zahra
baap ke gham may bhi rone na diya
haq se mehroom kiyy wa abata
aaj bhi jiski lehad be-saaya
jispe jalta hua darwaza gira
hogayi pehlu shakista zehra
qatl mohsin bhi hua wavaila
baad e zehra wo ali ka giriya
masjide koofa may phi shor utha
haye hyder pe chali taygh e jafa
thi sada fuzto be rabbil kaaba
ghar may zehra ke qayamat thi bapa
sar se saaya jo utha
ghar ye veeran hua
thi yateemo ki buka
haye baba haye baba baba
ya zahra ali...

baade hyder ye sitam aur hua
khoon may shabbar ka janaza dooba
aur phir deen jo mushkil may ghira
tab hussain ibne ali ghar se chala
karbala jaise hi pahuncha kunba
phir to kya zulm na sayyed pe hua
milke laakhon ne unhe ghayr liya
teen din pehle to pani na diya
aur phir maqtale sadaat saja
bhaanje bete bhatija na raha
na wo lashkar na alamdar bacha
asr se pehle wo hal min ki sada
chalgayi taygh e jafa
khoon bekas ka baha
sar suye naiza gaya
tan ko aagosh may zehra ne liya
ya zahra ali...

aagayi sham e ghariban haye haye
aur phir aag lagi qaime jale
ghash se jab abid e bemaar uthe
qaidi kunbe e wo salaar bane
haye sajjad ne kya kya dekha
sar khule sham may kunba dekha
jashn darbar may hota dekha
choti hamsheer ka laasha dekha
qaid se chutke chale karbobala
sab ka chehlum kiya matam bhi kiya
khafila jab ye madine pahuncha
ab bayan sarwar o rehan ho kya
haye matam tha bapa
jab ye zainab ne kaha
na rahi meri rida
amma mai aagayi bhai na raha
ya zahra ali, ya zahra ali
Noha - Ya Zahra Ali
Shayar: Rehan Azmi
Nohaqan: Nadeem Sarwar
Download Mp3
Listen Online