khake karbobala kar rahi hai buka
ya hussain ya hussain

ho sake na labe nehr qaime bapa
ya hussain ya hussain

bhai abbas tha tera maara gaya
laasha ibne hassan ka bhi tukde hua
tere akbar ke seene pe naiza laga
ya hussain ya hussain...

teer gardan pe asghar ne khaya magar
teri himmat ke sadqe ali ke pisar
tune har haal may shukre khaaliq kiya
ya hussain ya hussain...

haye yalghaar tujpe wo kuffar ki
kaisi baarish hui teer o talwar ki
sar tera haye gurze se kaata gaya
ya hussain ya hussain...

phool zainab ne apne fida kar diye
dil ke tukde thay dono luta kar diye
hausla teri hamsheer ka marhaba
ya hussain ya hussain...

baad tere sakina tere gowhar chinay
qaid abid hue aur qaime jalay
tera sar noke naiza pe rakha gaya
ya hussain ya hussain...

reesma teri zainab ke baandhi gayi
sar pe baakhi kise ke rida na rahi
aale ahmed pe kaisa ajab waqt tha
ya hussain ya hussain...

tere seene pe soti thi wo laadli
teri furqat may wo ghutke mar hi gayi
is tarha se hui zulm ki inteha
ya hussain ya hussain...

khaak paaye ghulamane shabbir hoo
mai rehan azmi gham ki taqreer hoo
hai mere lab pe har dam yehi ibteda
ya hussain ya hussain...
Noha - Ya Hussain
Shayar: Rehan Azmi
Nohaqan: Nasir Zaidi
Download Mp3
Listen Online