kashtiye deene khuda ka na khuda hussain
ya hussain ya hussain

hamay na jaho saltanat na taqt o taaj chahiye
baland tha jo taqt se magar mizaaj chahiye
shaheede karbala ka bas dilon pe raj chahiye
ya hussain ya hussain

hamara rishta hussain se hai
bas ek rishta hussain se hai

zohair o muslim ibne ausaja shabeeb ki tarha
janabe hurr ke aur john ke naseeb ki tarha
hamay ye faqr hai ke hazrate habeeb ki tarha
hamara rishta hussain se hai
bas ek rishta hussain se hai

hai kaun apna chara gar hussain hai hussain hai
hai kaun humse ba khabar hussain hai hussain hai
hai kaun apna raahgar hussain hai hussain hai
hai kaun dil may jalwagar hussain hai hussain hai
hamara rishta hussain se hai
bas ek rishta hussain se hai

har ek simt dehr may ya hussain ki nida
har ek kaum ki har ek deen ki bhi hai sada
kamaal to ye hai ke bud parast bhi ye bol utha
hamara rishta hussain se hai
bas ek rishta hussain se hai

hamara chara gar nahi koi hussain ke siwa
hamara ba khabar nahi koi hussain ke siwa
hamara raahgar nahi koi hussain ke siwa
hamara rishta hussain se hai
bas ek rishta hussain se hai

ye wo hussain hai mila hai jisko doshe mustufa
yehi waqar e arsh hai yehi hai naaze kibriya
ana minal hussain kehke ye nabi ne kehdiya
isi sabak se aaj hum bhi de rahe hai ye sada
hamara rishta hussain se hai
bas ek rishta hussain se hai

hussain ko dilon may tum bithalo ay hussainiyo
hussain ko nazar may tum basalo ay hussainiyo
ye kehke apna dehr ko banalo ay hussainiyo
hamara rishta hussain se hai
bas ek rishta hussain se hai

sama se leke da samak hussain hi hussain ho
zameen se aasman talak hussain hi hussain ho
jahan jahan falak falak hussain hi hussain ho
hamara rishta hussain se hai
bas ek rishta hussain se hai

jahan pe gham hussain ka wahan pe bhi siyasatein
jahan pe gham hussain ka wahan pe bhi kadooratein
khuda ke waaste mita do dil ki ye ghalazatein
munafiqat ko chor kar payak zaban yehi kahein
hamara rishta hussain se hai
bas ek rishta hussain se hai

rahenge yaume hashr bhi wohi to log shadman
ghame hussain may kar rahe hai naala o fughaan
ay majid apne paas aa na payega ghame jahan
hamara rishta hussain se hai
bas ek rishta hussain se hai
Noha - Ya Hussain
Shayar: Majid Raza Abdi
Nohaqan: Shadman Raza
Download Mp3
Listen Online