ya habeeb e kibriya zainab hui be-aasra
shah ke sukhe galay par shimr ka khanjar chala

chal basay aun o mohamad mere do wo noor e ain
aisay aalam may bhala kyun kar milega dil ko chain
phir bhi mai karti rahi us haal may shukr e khuda
ya habeebe kibriya...

laash e qasim tukde tukde hoke bikhri khaak par
kaash mujhko maut aati mai na sunti ye khabar
maadar e qasim ka ab is dunya may kya reh gaya
ya habeebe kibriya...

mere abbas e jari ke ho gaye shaane qalam
chidh gayi mashqe sakina khoon may dooba alam
qatle abbas e jari se ho gaya mehshar bapa
ya habeebe kibriya...

seena e kadiyal jawan se jaari hai ab tak lahoo
laash e akbar darmiyan hai bibiyan hai chaar soo
umme laila ki nigahon may andhera cha gaya
ya habeebe kibriya...

karta hai asghar ko zibha hurmula is teer se
nehr karta hai wo zalim unt ko jis teer se
sheh ki qurbani jo dekhi ro diye arz o sama
ya habeebe kibriya...

kar chuka jab dafn asghar ko mera bhai hussain
aap ka pyara nawasa wo azeez e walidayn
jaanib e maqtal chala hokar sawaar e zuljana
ya habeebe kibriya...

raah e haq anwer hussain ibne ali sar raabedaar
dast dar dast e yazeed e be-haya hargiz na daar
gufta aashiq zainab e muztar basad aah o buka
ya habeebe kibriya...
Noha - Ya Habeeb e Kibriya
Shayar: Anwer
Nohaqan: Nazeer Irani (Azadari Murshidabad)
Download Mp3
Listen Online