Noha - Ya Baqiatullah
Shayar: Riyaz Mirathi
Nohaqan: Shuja Haider
Download Mp3
Listen Online


ya baqiatullah ya hujatullah
ya ibne hyder ya ibna zahra

aaiye zulm hadh se siwa ho gaya
be-sabab momim qatl rawan hogaya
aap ka ishq wajhe saza ho gaya
ab hamare labon par hai har dam sada
ya baqiatullah....

tez tar hogayi kufr ki aandhiyan
kufr ki zad pe hai haq ke ab pasban
ab to aajiye ay shahe ins o jaan
humko dije amaa mazhare kibriya
ya baqiatullah....

ab na mehfooz masjid na mehrab hai
kufr o zulmat ka har simt sailaab hai
har muhib dard e furqat se betaab hai
maangte hai ye ro ro ke momin dua
ya baqiatullah....

aaiye aaiye ab khuda ke liye
binte zehra ke sar ki rida ke liye
inteqam e shahe karbala ke liye
dijiye dushmane deen e haq ko saza
ya baqiatullah....

bazme kaunain may hukmaran aap hai
dhoop hai ye jahan sayeban aap hai
marziye rab wahan hai jahan aap hai
aap ki zaat hai hujjate kibriya
ya baqiatullah....

barishe noor dunya may barsaiye
rehm farmaiye rehm farmaiye
ya imame zaman jald aajiye
aap bhi misle hyder hai mushkil kusha
ya baqiatullah....

waasta tumko sajjad e maghmoom ka
waasta hai tumhe shahe mazloom ka
waasta hai tumhe halqe masoom ka
apne lashkar se maula tu humko mila
ya baqiatullah....

waqt par hukmarani hai maula teri
saltanat javedani hai maula teri
khuld to raajdhani hai maula teri
hai riyaz ek adna sa naukar tera
ya baqiatullah....