wo mera akbar jo tha shadi se pehle mar gaya
umme laila umr padti rahi ye marsiya

kis tarha dekhun jawano ko galay milte huwe
jee na paungi mai apne naujawan ko bhool ke
dekh kar saaya bhi lagta hai ke akbar hai mera
wo mera akbar...
umme laila umr bhar...

mai ne athara baras paala tha mere laal ko
dil may hasrat thi ke akbar sar pe sehra baandh lo
ek ghadi aayi ki ek naiza jigar may lag gaya
wo mera akbar...
umme laila umr bhar...

haye naize ki ani pahunchi kaleje may juhin
maut ki hichki mere farzand ko aane lagi
baap ne naiza jo khayncha dam pisar ka uth gaya
wo mera akbar...
umme laila umr bhar...

thi kabhi zainab se kehti aur kabhi kulssom se
aise maa aakhir batao kis tarha zinda rahe
jis ka athara baras ka laadla ab na raha
wo mera akbar...
umme laila umr bhar...

maine socha tha ki shadi hogi mere laal ki
fatema sughra rahegi aur sakina bhi meri
haye uska jism pamaal e sumay aspa hua
wo mera akbar...
umme laila umr bhar...

dasht may farzand ki baraat thi aise saji
haye ek nazuk kaleja aur naize ki ani
uska laasha maine dekha khoon may dooba hua
wo mera akbar...
umme laila umr bhar...

khoon ne hathon pe mehendi ki jagah chori nahi
mere akbar ke lahoo se surkh hai saari zameen
haye usko maut ne dulha nahi ban ne diya
wo mera akbar...
umme laila umr bhar...

ho bayan kaise mubarak umme laila ka bayan
karbala may sham o kufa may madine may fughan
poocha jab rehan kisi ne roke maadar ne kaha
wo mera akbar...
umme laila umr bhar...
Noha - Wo Mera Akbar
Shayar: Mubarak
Nohaqan: Mir Rehan Abbas
Download Mp3
Listen Online