ujde hue kumbe ki azadaar hai zainab
ay shame gharebaan teri salaar hai zainab
ujde hue kumbe ki....

pathar yahan khane hai yahan peene hai aansu        
yasrab nahi ye shaam ka bazaar hai zainab
ujde hue kumbe ki....

kat-te hue bhai ka gala dekh rahi hai
lachaar hai bebas hai dilafgaar hai zainab
ujde hue kumbe ki....

tareekh ke seene may hai mehfooz abhi tak
wo khutba jo tera sare darbaar hai zainab
ujde hue kumbe ki....

tum kaise uthaogi bhala daaghe judaai
shabbir se tumko to bahot pyar hai zainab
ujde hue kumbe ki....

le aao usay aag ke sholo se bachakar
sholo may ghira abide bemaar hai zainab
ujde hue kumbe ki....

likha hai zafar khoon se tareekh ke rukh par
baatil ke liye aahani deewaar hai zainab
ujde hue kumbe ki....
Noha - Ujde Hue Kumbe
Shayar: Zafar
Nohaqan: Mirza Sikander Ali
Download Mp3
Listen Online