تمام عالم میں آج ماتم، حسین بے کس کا ہو رہا ہے
علم گھروں میں سجے ہوئے ہیں، دلوں میں فرشِ اعزا بچھا ہے
تمام عالم میں آج ماتم، حسین بے کس کا ہو رہا ہے

سیاہ کپڑے سیاہ چادر، غموں کی گرد و غبار سر پر
ہے سوگواروں کے اشک جاری ، کے ثانیئے زہرا بریدہ ہے
تمام عالم۔۔۔۔۔

نہ چشمِ پُرنم ہو کیوں سوالی، جلوس ہے ذوالجناح خا لی
کے میرا دُلدُل سوارِ مولا، زمینِ کربل میں سو رہا ہے
تمام عالم۔۔۔۔۔

علم میں مشکِ سکینہ دیکھو، تو مومنو بس یہ کہہ کے رو لو
چچا بھتیجی میں کیا ہے نسبت، وفائے عباس کیا وفا ہے
تمام عالم۔۔۔۔۔

حسین پیری میں دل سنبھالے، کے دل سے اُلجھی سناں نکالے
جوان بیٹا لہو میں ڈوبا، زمیں پہ ایڑھی رگڑ رہاہے
تمام عالم۔۔۔۔۔

نہ مار برچھی دلِ نبی پر، ابھی ہوئے ہیں جوان اکبر
یہ قتل جس کو توں کر رہا ہے، یہی تو ہم شکلِ مصطفیٰ ہے
تمام عالم۔۔۔۔۔

مدینے والو خاموش رہنا، غریب زینب سے کچھ نہ کہنا
بسا ہوا گھر جو لے گئی تھی، وہ کربلا میں اُجڑ گیا ہے
تمام عالم۔۔۔۔۔

اعزائے شبیر ہے عبادت ، جنابِ زینب کی ہے امانت
یہ نوحہ تیرے قلم سے محشر ، جنابِ زہرا کی اک عطا ہے
تمام عالم۔۔۔۔۔


tamaam aalam may aaj matam, hussain bekas ka ho raha hai
alam gharon may sajay huway hai, dilon may farsh-e-aza bicha hai
tamaam aalam may aaj matam, hussain bekas ka ho raha hai

siyah kapde siyah chadar, ghamon ki gardo ghubaar sar par
hai sogwaron kay ashk jaari, ke sani-e-zehra berida hai
tamaam aalam ...

na chashme purnam ho kyon sawali, juloos hai zuljanah khaali
ke mera duldul sawar-e-maula, zamin-e-karbal may so raha hai
tamaam aalam ...

alam may mashq-e-sakina dekho, to momino bas yeh keh ke rolo
chacha bhatiji may kya hai nisbat, wafa-e-abbas kya wafa hai
tamaam aalam ...

hussain peedi may dil sambhale, ke dil se uljhi sina nikaale
jawaan beta lahu may dooba, zameen pe aedi lagad raha hai
tamaam aalam ...

na maar barchi dil-e-nabi par, abhi huway hai jawaan akbar
ye qatl jisko tu kar raha hai, yehi to ham shakl-e-mustafa hai
tamaam aalam ...

madinay walo khamosh rehna, ghareeb zainab say kuch na kehna
basa huwa ghar jo le gayi thi, wo karbala may ujad gaya hai
tamaam aalam ...

azaa-e-shabbir hai ibadat, janab-e-zainab ki hai amaanat
ye nauha tere qalam se mehshar, janab-e-zahra ki ek ataa hai
tamaam aalam ...
Noha - Tamaam Aalam
Shayar: Mehshar Lakhnavi
Nohaqan: Nadeem Sarwar
Download Mp3
Listen Online