tha karbala may ajab imtehane taygh e ali
wo ek nanhi si mayyat wo jaan taygh e ali
thi dard naak bahot dastan taygh e ali
fazayein roti thi sunkar bayane taygh e ali
haye zulfeqar
tadap ke karti thi maqtal may zulfeqar ye bain
mai kaise khodun lehad ek bezuban ki hussain
duayein do meri himmat ko aazmate huwe
dikhayi dete hai mujhko rasool aate huwe
hassan ka haath hai qabze pa kapkapate huwe
batool dekh rahi hai lehad banate huwe
tadap ke karti thi...
mai kaise khodun...
ye soch soch ke aankhon se khoon jaari hai
ke jiski jhoole may maine nazar utaari hai
usi ki qabr banane ki zimmedari hai
ye imtehan to badr o ohad se bhaari hai
tadap ke karti thi...
mai kaise khodun...
mai aaj nanhi si turbat agar banaungi
tamam umr ye manzar bhula na paungi
palat ke qaime may maqtal se jab mai jaungi
to kaise maadare asghar ko mai moo dikaungi
tadap ke karti thi...
mai kaise khodun...
ghareeb maa ki amanat ko kho nahi sakti
mai apne kaandhon pa ye bojh dho nahi sakti
kisi ke aankh ke aansu piro nahi sakti
mai maamta ka safina dubo nahi sakti
tadap ke karti thi...
mai kaise khodun...
ye yaadgar hai ek beqaraar jhoole ki
bula rahi hai tadap baar baar jhoole ki
hai lakdiyon ko bahot intezar jhoole ki
zameen ko saump doo kaise bahaar jhoole ki
tadap ke karti thi...
mai kaise khodun...
zameen e garm hai aur bezuban ka laasha hai
lahoo galay ka na baasho ka doodh sookha hai
mere khuda ye mera imtehan kaisa hai
usi ki qabr banaun jo mujhse khela hai
tadap ke karti thi...
mai kaise khodun...
lehad banane ka asghar ki kaam mat saumpon
sulagte dasht may ye intezaam mat saumpon
jahan e sabr ka mujhko nizam mat saumpon
jawab deti hai himmat imam mat saumpon
tadap ke karti thi...
mai kaise khodun...
rakhe hai nauhe may akhtar ne lafz chun chun ke
kaleja phat-ta hai irfan sab ka sun sun ke
jigar ke khoon se masayab ke khwaab bun bun ke
malak bhi rone lagay aasman pa sir dhun ke
tadap ke karti thi...
mai kaise khodun...
|
|
