ta hashr ya hussain tera naam zindabad

ay sheh saware jaana e aalam zindabad
ay na khuda e kashti e islam zindabad
paindabad saahibe samsaam zindabad  
tu zindabad aur tera paigham zindabad
ta hashr ya hussain....

emaan ki laaj bosay shariyat tujhi se hai   
quran ki saari azmat o hurmat tujhi se hai
masjid ki shaan kaabe ki satwat tujhi se hai
saare jahan may tanze risalat tujhi se hai  
ta hashr ya hussain....

ki thi yazeediyat ne bahot kuch ye justuju
kaabe ki sar zameen pe bahade tera lahoo
haj ko badal ke umray se ay shaahe nek khoon  
rakhli hai tune khana e aewaz ki aabroo  
ta hashr ya hussain....

shamsheer sar pe dil may sina teer paon may
tune khaza se khela tha taygho ki chaon may
marde khuda tha aaya na baatil ke dao may
charche hai tere naam ke ye gaon gaon may
ta hashr ya hussain....

gulzare deen ko sayncha bahattar ke khoon se
qasim ke khoon se dil e akbar ke khoon se
kaliya nikharne lag gayi asghar ke khoon se
gulshan hara hai aale payambar ke khoon se
ta hashr ya hussain....

shabbir teri fauj ka salaar e zee hashm    
unwan e fatha ban chuka jiska har ek qadam
saqqa ke haath ghaat pa garche hue qalam
lehra raha hai aaj bhi abbas ka alam
ta hashr ya hussain....

haathon may neemche liye zainab ke laadle
dono nihaal itne hai sar karne marhale   
aada e deen ki lene khabar ghaat par chale
zehra ki laadli ke hai ye godh ke palay
ta hashr ya hussain....

ran may dehekti rayt pe wo asr ki namaz
meraj e bandagi ka bataya ye tune aaj   
kuch kar saki na sakina kufro zalalat ki saaz aaj  
sar deke deen e haq ko kiya tune sarfaraz
ta hashr ya hussain....

qismat ki hai ye baat jo teri wila mili
mirza e benawa ko rahe karbala mili
isiyan ke is mareez ko khake shifa mili  
milne se tere kashti e aale aba mili
ta hashr ya hussain....
Noha - Ta Hashr Ya Hussain
Shayar: Mirza Murtaza Ali
Nohaqan: Mir Raza Ali (Maulana)
Download Mp3
Listen Online