syed hoo musaafir hoo ghareebul ghurba hoo
pyasa hoo kayi roz se be-jurm o khata hoo

maaro na mere saamne humshakle nabi ko
tadpao na ay shaamiyo farzande ali ko
abbas ke mar jaane se mai tooth gaya hoo
syed hoo musaafir hoo...

mai subho se ta asr uthaata raha laashe
maqtal may hai be-goro kafan sab ke janaze
in laasho ke maidan may sar dhoond raha hoo
syed hoo musaafir hoo...

zainab ke dulaare jo giray khaak ke upar
kaandhe pe nahi godh may laaya hoo uthaakar
wo mujhpe fida hogaye mai unpe fida hoo
syed hoo musaafir hoo...

allah tu shahid hai ajab zulm hua hai
ek laasha uthaaya na gaya balke chuna hai
us laash gathri liye maqtal se chala hoo
syed hoo musaafir hoo...

abbas ke baazu na thay baazu thay wo mere
jo mashq bachane ke sabab kaate hai tumne
be-dast hoo kya jang karoo soch raha hoo
syed hoo musaafir hoo...

ye khoon jo chehre pe mere dekh rahe ho
ye kiska lahoo hai ye khudara nahi poocho
ye poocho ke kis tarha se mai zinda khada hoo
syed hoo musaafir hoo...

seene pe jo soti thi wo soyegi zameen par
maarega tamachay usay ab shimre sitamgar
wo mujhko bhulaade ye dua maang raha hoo
syed hoo musaafir hoo...

tar khoon may rehan hussain ibne ali thay
kehne lagay abbas ke parcham ko uthaake
zainab ye qayanat mai tujhe saump raha hoo
syed hoo musaafir hoo...
Noha - Syed Hoo Musafir Hoo
Shayar: Rehaan Azmi
Nohaqan: Rizwan Zaidi
Download Mp3
Listen Online