sina ki nok pe bhi shah sar utha ke chale
jahan ko taaqat e haq kya hai ye dikha ke chale

hussain dasht may ghar apna go luta ke chale
nabi ke deen ki qismat magar bana ke chale
sina ki nok pe...

usi ke qadmon se jannat lipat ke rehti hai
misaal e hur jo muqaddar ko khud bana ke chale
sina ki nok pe...

jahan ne dekh liya teer e hurmula ka asar
galay pe leke jo baysheer muskura ke chale
sina ki nok pe...

hamay katay huwe baazu ki yaad aane lagi
hum apne haath may jab bhi alam utha ke chale
sina ki nok pe...

hussain kehte thay akbar hai ab andhera jahan
tum apne seene pe zakhme sina jo khaake chale
sina ki nok pe...

ghashi ke haal may abid ka jal gaya bistar
jab aag qaime be-daagar laga ke chale
sina ki nok pe...

bandhe thay gardan o baazu haram ke rassi se
sitam ki inteha ahle sitam dikha ke chale
sina ki nok pe...

yazeed naam zamane may ho gaya lanat
hussain is tarha ather usay mita ke chale
sina ki nok pe...
Noha - Sina Ki Nok Pe
Shayar: Ather
Nohaqan: Syed Muzammil Ali (Azadari Murshidabad)
Download Mp3
Listen Online