شام ہائے شام
تیری اُمت کے زیور پہن کے دیکھو نانا چلی ہوں میں شام
شام ہائے شام۔۔۔۔۔

میں دیتی کفن تُجھ کو بھّیا گر سر پہ رِدا میری ہوتی
گر ہوتے کھُلے ہاتھ میرے تیرے زخموں کو ہاتھوں سے دھوتی
پابندِ رسَن سر برہنہ دیکھو بھّیاچلی ہوں میں شام
شام ہائے شام۔۔۔۔۔

اے نانا میں کیسے سُنائوں دربارِ شقی کا وہ منظر
سب والی و حافظ تھے بیٹھے اور سر پہ میری نہ تھی چادر
اے نانا تیری بیٹیوں کو کیوں لائے ہیں سر ننگے شام
شام ہائے شام۔۔۔۔۔

تیرے عابد پہ طاری غشی تھی اور کلثوم سہمی کھڑی تھی
کبھی دیکھوں میں زخمی سکینہ جس کے دامن میں آگ لگی تھی
کبھی روئوں میں اپنی رِدا کو کبھی دیکھوں میں جلتے خیام
شام ہائے شام۔۔۔۔۔

تیرے بچوں کو لے کر گئی میں شب بھر ساری روتی رہی ہوں
کبھی غازی کا لہجہ بدل کے میں پہرے بھی دیتی رہی ہوں
ان بیوہ بہو بیٹیوں سے کیوں کرتے نہیں ہو کلام
شام ہائے شام۔۔۔۔۔

جب روتی تھی بالی سکینہ اور بابا کو اپنے بُلاتی
میں دیتی تھی اُس کو تسلی اور سینے پہ اپنے سُلاتی
رُوٹھی زندان میں معصوم بچی لے لے کے وہ بابا کا نام
شام ہائے شام۔۔۔۔۔


shaam haye shaam
teri ummat ke zevar pehan ke dekho nana chali hoo mai shaam
shaam haye shaam....

mai deti kafan tujhko bhaiya gar sar pe rida meri hoti
gar hotay khule haath mere tere zakhmo ko haatho se dhoti
pabande rasan sar barehna dekho bhaiya chali hoo mai shaam
shaam haye shaam....

ay nana mai kaise sunaon darbare shaqi ka wo manzar
sab wali-o-hafiz thay baithay aur sar pe meri na thi chadar
ay nana teri betiyon ko kyun laaye hai sar nange aam
shaam haye shaam....

tere abid pe taari ghashi thi aur kulsoom sehmi khadi thi
kabhi dekhoo mai zakhmi sakina jiske daman may aag lagi thi
kabhi rowun mai apni rida ko kabhi dekhoo mai jalte qayaam
shaam haye shaam....

tere bachon ko lekar gayi mai shab bhar saari roti rahi hoo
kabhi ghazi ka lehja badal ke mai pehre bhi deti rahi hoo
in bewa bahoo betiyon se kyo karte nahi ho kalaam
shaam haye shaam....

jab roti thi bali sakina aur baba ko apne bulaati
mai deti thi usko tasalli aur seene pe apne sulaati
roothi zindan may masoom bachi le le ke wo baba ka naam
shaam haye shaam....
Noha - Sham Haye Sham

Nohaqan: Anj. Shababul Momineen
Download Mp3
Listen Online