shabbir ne deen e haq ke liye
ghar bhar ko luta kar chor diya
bano ke muqaddar ka taara
turbat may chupa kar chor diya
shabbir ne...

asghar ke liye betaab hui
aur qaime ke dar tak jab aayi
kya jaaniye maa ne kya dekha
parde ko utha kar chor diya
shabbir ne...

pehle to utha kar akbar ko
shabbir ne zakhme dil dekha
jab nana ki ummat yaad aayi
seene se laga kar chor diya
shabbir ne...

mashqeeza chida mayoos hui
majboor thay aakhir kya karte
abbas ne apne dil ka lahoo
pani may mila kar chor diya
shabbir ne...

peedi may jawan ke laashe ko
shabbir kahan tak le jaayein
suraj ki tarha jab dil dooba
maqtal may lita kar chor diya
shabbir ne...

teeron se chamakte bhalon ne
akbar ka kaleja cheer diya
tasweer e nabi ko ummat ne
rangeen bana kar chor diya
shabbir ne...
Noha - Shabbir Ne Deene

Nohaqan: Syed Raza Ali (Azadari Murshidabad)
Download Mp3
Listen Online