sha ast hussain baadshah ast hussain
deen ast hussain deen panah ast hussain

sar daad na daad dast dar daste yazeed
haqqa ke binaye la ilaaha ast hussain

jab wadaye tifli ko wafa kar chuke shabbir
khanjar ke talay shukre khuda kar chuke shabbir
sar maareka e karbobala kar chuke shabbir
ummat ke liye haq se dua kar chuke shabbir
teeron ne samayta shahe bekas ka musalla
tharrayi zameen kaamp utha arsh e moalla
sha ast hussain...

jo kaam tha bhai ka behan ne wo sambhala
jalte huwe qaime se bhatije ko nikala
dam tod gaya saamne har godh ka paala
lab par na bhar aaya dil e betaab ka naala
ay lana kuna zainabe dilgeer thi zainab
han nasiraye maqsade shabbir thi zainab
sha ast hussain...

nagaah sawaar ek nazar saamne aaya
tharrane lagi jaane dile fathema zehra
boli ke khabar daar wahin rok le ghoda
ro ro ke abhi soye hai masoom taras kha
kehde ye ibne saad se lillah tu jaa kar
kal din ke ujaale may hamay lootle aakar
sha ast hussain...

jab sar mere bhai ka kata aap kahan thay
jab khatema akbar ka hua aap kahan thay
pamaal hua ibne hassan aap kahan thay
tukde hua abbas ka tan aap kahan thay
bewa hui ek shab ki dulhan aap kahan thay
aajate to is tarha na taqdeer badalti
yun pyason ke halqon pe shamsheer na chalti
sha ast hussain...

baatein jo suni beti ki ashaar pukaara
zainab mai tera baap hoo pehchan khuadara
kin aankhon se dekhoo mai jigar soz nazara
tu dukh sahe aur mujhko ho aaram gawara
shab bhar mai tere qaimon ka darban rahunga
ta subha isi dasht may mehman rahunga
sha ast hussain...

chadar jo chini saaqiye kausar ko pukara
qasim o sada di ali akbar ko pukara
har zulm may abbas e dilawar ko pukara
jhoole may lagi aag to asghar ko pukara
roti thi koi bibi to dete thay dilasay
chaukat pe na masoom abhi soye hai pyase
sha ast hussain...
Noha - Sha Ast Hussain

Nohaqan: Azadari Murshidabad
Download Mp3
Listen Online