kaha zainab ne ye rokar sambhalo bibiyon chadar
sar e abbas aata hai
bula laaye sakina ko koi zindan se jaa kar
sar e abbas aata hai

ye ghairat ka khuda hai iski ghairat ka takhaza tha
khula sar dekh ke naize se jo ye sar giraata tha
aur nahi hai paas gar chadar to rakhlo haath hi sar par
sar e abbas...

bhara hoga lahoo aankhon may uski khud hataungi
mai bachpan ki tarha se bhai ka chehra dhulaungi
agar mumkin hai to dede koi pani mujhe laa kar
sar e abbas...

mujhe utna padhega bibiyon taazeem ko uski
mai ma ummul baneen ki simt se ghazi ko choomungi
sambhale sar koi aun o mohamed ke yahan aa kar
sar e abbas...

isi ehsaas se usne nazar apni jhukayi hai
usay maloom hai ye kitna ghairat-mand bhai hai
chupaye kis tarha zainab paday hai neel shano par
sar e abbas...

mila pani usay poocha to kya batlayegi zainab
bhala uski bhatiji ko kahan se layegi zainab
nigahein uski dhoondegi sakina ko yahan aa kar
sar e abbas...

thay sab ki jholiyon may apne apne laadlon ke sar
ruqayya umme laila umme farwa madar e asghar
uthi kehte huwe har maa sar apne laal ka rakh kar
sar e abbas...

takallum shamiyon ki aurtein bhi roti jaati hai
ali ki betiyan jaldi se zakhmon ko chupati hai
khadi hai haath phailaye huwe khud zainab e muztar
sar e abbas...
Noha - Sar e Abbas Aata Hai
Shayar: Mir Takallum
Nohaqan: Mir Hassan Mir
Download Mp3
Listen Online