ya fatema ya tahira qairunnisa
ya umme abiha salam madare hussain

jabeen e waqt pe likha hai bas yehi
maa ho madare hussain si
hussain paal ke jisne diya zamane ko
jabeen e waqt...
salam madare hussain...

ye baat jaake kisi maa ke dil se pooche koi
tum apne laal ko maqtal may dekh paogi
kaleja thaam ke wo maa kahegi sirf yehi
is imtihan se guzri thi bas wohi
maa ho to madare hussain si
salam madare hussain...

hussain pusht e faras se gire jo reti par
sirhane aagayi dil thame madare muztar
laraz rahi thi khudayi ye dekh kar manzar
har ek mauje alqama ye keh uthi
maa ho to madare hussain si
salam madare hussain...

jo dekha maa ne ke beta shadeed hai zakhmi
to apne balon se maqtal ko saaf karne lagi
tadap ke roohe khadija ye ban may kehti thi
ye maa to sabr ki hadh se guzar gayi
maa ho to madare hussain si
salam madare hussain...

layeen aaya jo tyayghe sitam sambhale huwe
sare hussain ko zaanu pe rakh liya maa ne
khud apne laal ke zakhmo se teer bhi khaynche
labe rasool pe faryaad thi yehi
maa ho to madare hussain si
salam madare hussain...

giray thay pyar ke aansoo pisar ke zakhmo par
hussain zibha huwe fatema ke hathon par
ye bain aaye thay us dam ali ke honton par
zameen e karbobala keh ke ro padi
maa ho to madare hussain si
salam madare hussain...

yehi thi mazhar o irfan tarbiyat maa ki
jo karbala ke bayaban may rang laayi thi
khiraaj paysh kiya sayyeda ko rab ne bhi
fiza may goonjegi awaaz ab yehi
maa ho to madare hussain si
salam madare hussain...

kiya hussain ne reti pe shukr ka sajda
subhana rabbe ala la labe hussain pe tha
ajeeb dard ka manzar tha haye wavaila
sawaar pusht pe qaatil tha saamne zahra
nazar ke saamne bete pe chal gaya khanjar
tadap ke rehgayi jalti zameen par madar
phir uske baad qayamat ki wo ghadi aayi
ghareeb bete ki mayyat bhi payemaal hui
dare qayam pe zainab ye bain karti thi
mere hussain ko is zulm se bachaye koi
hussain hogaye pamaal kuch karo amma
pisar ke tukde rida may samaytlo amma
jo laashe kar chuke pamaal ahle zulm tamaam
haram thay noha kuna char samt tha kohraam
utha ke mashale hathon may aaya lashkare shaam
ridayein cheen ke sadaat ki jalaye qayaam
ghame hussain ho ya phir qayaam ka pehra
har ek maqaam pe zainab ke saath thi zehra
Noha - Salam Madare Hussain
Shayar: Mazhar
Nohaqan: Irfan Hyder
Download Mp3
Listen Online