rehaai milgayi zainab abhi yaadon ki qaidi hai
watan to aagayi maa ki lehad par bain karti hai
amanat apne bhai ki pase zindan chor aayi
sakina ab andheri qabr may kis tarha soti hai
sakina yaad aati

hawaein shaam aati hai to zainab chaunk jaati hai
sakina yaad aati
phupi bemaar sughra ko agar pani pilaati hai
sakina yaad aati

alam abbas ka dekhe to palkein bheeg jaati hai
ali akbar ke hujre may kayi yaadein satati hai
kisi bachi ke kaano may nazar baali jo aati hai
sakina yaad aati
hawaein shaam aati...

lehad pe maa ki jab dukhda sunane ke liye jaaye
aziyat patharon ki aur kabhi zindan yaad aaye
na jaane rotay rotay kyon har ek gham bhool jaati hai
sakina yaad aati
hawaein shaam aati...

wuzoo karte huye pani ki thandak se larazti hai
falak pe abid ab dekhe to shehzadi ye kehti hai
madine may ye baarish to baras ke dil dukhaati hai
sakina yaad aati
hawaein shaam aati...

bahot yaadein bahot baatein abhi seene may baakhi hai
rasan ke daagh durro ke nishan seene may baakhi hai
tasavvur may ali asghar ko jab jhoola jhulaati hai
sakina yaad aati
hawaein shaam aati...

koi zindan ka dar khulne ka khissa bhi na dohraye
kahin aisa na ho gham se meri dhadkan hi ruk jaaye
rehaai ki ghadi may hind jab chaadar udaati hai
sakina yaad aati
hawaein shaam aati...

kabhi sughra jo seene se lipat kar sonay lagti hai
behan abbas e ghazi tadap ke ronay lagti hai
kabhi shabbir ka seena kabhi ghurbat rulaati hai
sakina yaad aati
hawaein shaam aati...

kabhi abid se chupti hai kabhi umme sakina se
palat kar aayi hai jabse rehaai paake zindan se
rehaai paane walon se kahan nazre milaati hai
sakina yaad aati
hawaein shaam aati...

nigahein phayr leti hai agar baqar nazar aaye
agar baaton hi baaton may rasan ka zikr aajaye
to aankhein bandh karke khaak par wo baith jaati hai
sakina yaad aati
hawaein shaam aati...

na bhooli na bhoolegi kabhi bazaar ka manzar
baraste thay aseeron ke saron par jis ghadi pathar
watan aakar bhi ek nanhi lehad khaabon may aati hai
sakina yaad aati
hawaein shaam aati...

kabhi rehan aur rizwan jaana qabre zainab par
nazar aayega tumko dard may dooba ye ek manzar
musalsal qabre zainab se yehi awaaz aati hai
sakina yaad aati
hawaein shaam aati...
Noha - Sakina Yaad Aati Hai
Shayar: Rehaan Azmi
Nohaqan: Rizwan Zaidi
Download Mp3
Listen Online