میت پہ سکینہ کی یہ ماں کہتی تھی رو کر
صدقے ہو یہ مادر

پردیس میں ماں لُٹ گئی تاراج جو ہوا گھر
صدقے ہو یہ مادر

مجبور ہے ماں تجھ کو کفن دے نہیں سکتی
کچھ کہہ نہیں سکتی
افسوس کہ چادر بھی نہیں ہے میرے سر پر
صدقے ہو یہ مادر

تکیہ ہے نہ بستر نہ کوئی اور بچھونا
کیسا ہے یہ سونا
بی بی تمہیں اس خاک پہ نیند آ گئی کیونکر
صدقے ہو یہ مادر

اصغر بھی نہیں پاس کہ دل جس سے بہلتا
کچھ بس نہیں چلتا
اب توں تو خفا ہو کہ نہ جا اے میری دلبر
صدقے ہو یہ مادر

سینے پہ جواں بیٹے نے جب کھائی تھی برچھی
میں دیکھ رہی تھی
اور ذبح ہوا سامنے میرے علی اصغر
صدقے ہو یہ مادر

میں کس سے کہوں ہے میری مانگ بھی اُجڑی
اور کوکھ بھی اُجڑی
میرا سا کسی کا بھی نہ ہوئے گا مقدر
صدقے ہو یہ مادر

ہم کرب وبلا ہوتے ہوئے جائیں گے بی بی
دُکھ پائیں گے بی بی
کیا کہہ دیں تمہیں پوچھے جو عباسِ دلاور
صدقے ہو یہ مادر


mayyat pe sakina ki ye maa kehti thi ro kar
sadqe ho ye madar

pardes may maa lutgayi taaraj jo hua ghar
sadqe ho ye madar

majboor hai maa tujhko kafan de nahi sakti
kuch keh nahi sakti
afsos ke chadar bhi nahi hai mere sar par
sadqe ho ye madar

taqiya hai na bistar na koi aur bichona
kaisa hai ye sona
bibi tumhe is khaak pe neendh aagayi kyun kar
sadqe ho ye madar

asghar bhi nahi paas ke dil jisse behelta
kuch bas nahi chalta
ab tu to khafa ho ke na ja ay meri dilbar
sadqe ho ye madar

seene pe jawan bete ne jab khaayi thi barchi
mai dekh rahi thi
aur zibha hua saamne mere ali asghar
sadqe ho ye madar

mai kisse kahoon haye meri maang bhi ujdi
aur kokh bhi ujdi
mera sa kisi ka bhi na hoyega muqaddar
sadqe ho ye madar

hum karbobala hotay hue jayenge bibi
dukh payenge bibi
kya kehde tumhein pooche jo abbas e dilawar
sadqe ho ye madar
Noha - Sadqe Ho Ye Madar

Nohaqan: Sachey Bhai
Download Mp3
Listen Online