chehlum ko karbala may jab aayi wo bibiyan
sadaat e karbala
har bibi kar rahi thi kuch is tarha se giriya
sadaat e karbala

kuch bibiyan yahan hai kuch bibiyan wahan
karti hui fughaan
bikhri hui thi maqtal e sarwar may ja-bajan
sadaat e karbala
chehlum ko karbala may...

ek bibi dasht e khooni may jaati hai nehr par
kehti ba-chashme tar
abbas dene aayi hoo pursa sakina ka
sadaat e karbala
chehlum ko karbala may...

ghut ghut ke laadli teri zindan may mar gayi
turbat wahin bani
bhaiya wo qaid se na hui mar ke bhi juda
sadaat e karbala
chehlum ko karbala may...

akbar ki qabr par yun hui laila nauhagar
dekha na saal bhar
aayi hoo qaid e shaam se ab ho ke mai reha
sadaat e karbala
chehlum ko karbala may...

bano ye bain karti thi ay mere be-zuban
maa dhoonde ab kahan
batlade hai kahan mera asghar ay karbala
sadaat e karbala
chehlum ko karbala may...

qurban tere ay mere maajaye be-watan
majboor thi behan
zindan may mujhse teri amanat hui juda
sadaat e karbala
chehlum ko karbala may...

rote hai qaas o aam tera sunke ye kalaam
ay shah ke ghulam
nauha tera anees hai maqbool bhai ka
sadaat e karbala
chehlum ko karbala may...
Noha - Sadaat e Karbala
Shayar:  Anees
Nohaqan: Nadeem Sarwar
Download Mp3
Listen Online