sada ran se deti thi ek laashe besar
idhar aa idhar aa sakina sakina
ye daaghe yateemi hai tera muqaddar
idhar aa idhar aa sakina sakina

idhar aa kaleje se apne lagaloo
idhar aa mai seene pe tujhko sulaloo
idhar aa meri jaan mai qurban tujh par
idhar aa idhar aa sakina sakina

ye sunsaan sehra ye veeran jangal
ghazab ka andhera ye khamosh maqtal
na ghabra chali aa sambhal kar sambhalkar
idhar aa idhar aa sakina sakina

tujhe dekhna hai mera zakhme khanjar
tujhe dekhna hai meri laashe besar
tujhe dekhna hai ye dil soz manzar
idhar aa idhar aa sakina sakina

jo sajde may haq ke jhuka tha wohi sar
nazar aayega tujhko noke sina par
badan par hai ab rayge sehra ki chadar
idhar aa idhar aa sakina sakina

rulayegi tujhko bahot yaad meri
sunega na koi bhi faryaad teri
satayega raste may shimr e sitamgar
idhar aa idhar aa sakina sakina

ab andaz badlega sonay ka tere
sulayegi aaghosh may tujhko madar
yahan mere seene pe soyega asghar
idhar aa idhar aa sakina sakina

tera sin nahi gham uthane ke khaabil
kathin hai tere imtihano ki manzil
ali ko sada de khuda se dua kar
idhar aa idhar aa sakina sakina

viqar e hazeen kya bayan ho wo manzar
jo dekha tha usne kahoo ab mai kyunkar
badi jab sakina ye awaaz sunkar
idhar aa idhar aa sakina sakina
Noha - Sada Ran Se
Shayar: Viqar Nagri
Nohaqan: Mirza Sikander Ali
Download Mp3
Listen Online