aaja asghar godh may kehti rahi maa raat bhar
har musibat ranjo gham sehti rahi maa raat bhar

teer se zaalim ne asghar ko kiya pyasa shaheed
bas isi ek dard may doobi rahi maa raat bhar
aaja asghar....

mujko lagta hai ke jaise soye ho tum godh may
neendh se jaago zara kehti rahi maa raat bhar
aaja asghar....

dekhloo ek baar beta chand si surat teri
qabr se takrake sar roti rahi maa raat bhar
aaja asghar....

godh ki garmi abhi tak hai magar tum chal basay
rotay rotay qabr se lipti rahi maa raat bhar
aaja asghar....

zainabo kulsoom samjhati rahi usko magar
paas nanhi qabr ke baithi rahi maa raat bhar
aaja asghar....

ashq aankhon se musalsal behte thay sajjad ke
jab ye dekha ranj may doobi rahi maa raat bhar
aaja asghar....

kya sunayega bober haalatein gham aur kis tarha
khaali jhoola dekh kar roti rahi maa raat bhar
aaja asghar....
Noha - Roti Rahi Maa Raat
Shayar: Mir Bober Ali
Nohaqan: Mir Bober Ali
Download Mp3
Listen Online