maqtal se be-sawaar jo rahwaar aa gaya
roti hai karbala roti hai karbala
zainab ne socha ab meri chadar ka hoga kya
roti hai karbala roti hai karbala

bhai ki laash pe huwe ghoday dhar udhar
dekha ba chashme tar
aankhon may ek behan ki ye manzar tehar gaya
roti hai karbala....

fauje saki hai door magar paas aayegi
qaime jalayegi
baazu kata ke nehr pe soya hai ba-wafa
roti hai karbala....

sehra ki khaak ho hi chuki hai lahoo may tar
hai kat chuke jigar
wo ho chuka joi aaj talak na kahin hua
roti hai karbala....

baakhi abhi hai raah ki saari qayamatein
mushkil may hurmatein
sola sau meel faasla bazaar e sham ka
roti hai karbala....

armaan ek maa ke to dil may hi rehgaye
bas aansu beh gaye
maqtal may naujawan ka sehra bikhar gaya
roti hai karbala....

ay nafse mutmaina palat aa pukara rab
hona hai ab ghazab
jalti zameen pe aakhri sajda to kar ada
roti hai karbala....

nazrein phupi ki tehri hui natawan pe hai
ya aasman pe hai
phir usne badke baare imamat utha liya
roti hai karbala....

asghar talak kamaan se wo teer ka safar
tha kitna muqtasar
lamha wo ek maa pe qayamat hi dha gaya
roti hai karbala....

shabbir ka ye ahsan o abid pe hai karam
baksha nisabe gham
majlis may jo ye goonjegi awaaz ja baja
roti hai karbala....
Noha - Roti Hai Karbala

Shayar: Abid Zaidi
Nohaqan: Ahasan Hussain
(Anjumane Dare Hussain)
Download Mp3
Listen Online