roke zanjeer pukari tay ye kaisa hai safar
qaid jab hoke chala sayyede wala ka pisar

raasta kaisa ye dushwaar hai kat-ta hi nahi
qaafla bekas o mazloom ka rukta hi nahi
paon sajjad ka zakhmi hai to uth-ta hi nahi
khatm hoti nahi ay sham teri raah guzar
roke zanjeer pukari...

phir sajjad ko saaye se utha dete hai  
aankh lag jaye to zanjeer hiladete hai
kahin ruk jaye to durro se saza dete hai
mane bemaar hua jaata hai sab khoon may tar
roke zanjeer pukari...

bunta hi raha gham ke wo tane bane
aayi sajjad ko maqtal ki hawa batlane
ab sukoon paaun kahan jaake khuda hi jaane
kaise hogi meri sughra ko madine may khabar
roke zanjeer pukari...

natawani ka ye aalam hai ke chalna hai mohaal
binte zera hai pareshan to sakina hai nidhaal
haye asghar ki judaai se hai laila be-haal
lab pe hai madar e baysheer ke haye asghar
roke zanjeer pukari...

taabe har cheez imamat ke hua karti hai
rehbar e haq ke ishare pe chala karti hai
jisko dhaare pe bahade wo baha karti hai
aur agar rok de hat jaye zameen ka mehwar
roke zanjeer pukari...

qaid khane may sakina ne bhi dam tod diya
apna rishta shahe mazloom se bhi jod liya
ashk baatil ki hawaon ka bhi ruk mod diya
haye zindan may gayi jaan se wo ghut ghut kar
roke zanjeer pukari...
Noha - Roke Zanjeer Pukari

Nohaqan: Sajid Hussain Jafri
Download Mp3
Listen Online