roke zainab ne kaha pyas bujhaun kaise
saqqa mara gaya bachon ko bataun kaise
roke zainab ne kaha...

be-kafan bhai ka laasha hai pada maqtal may
haye chadar bhi nahi paas udhaun kaise
roke zainab ne kaha...
saqqa mara gaya...

baap se beti ki hoti hai zyada ulfat
haath shabbir ka bachi se chudaun kaise
roke zainab ne kaha...
saqqa mara gaya...

cheen kar le-gaya chaadar bhi meri shimr e layeen
saamne majmaye aghiyaar may jaaun kaise
roke zainab ne kaha...
saqqa mara gaya...

ya ilaahi hai pas-e-pusht bandhe haath mere
shimr se bali sakina ko bachuan kaise
roke zainab ne kaha...
saqqa mara gaya...

itna laaghar hai wo bistar se nahi uth sakta
chor kar qaime may sajjad ko jaun kaise
roke zainab ne kaha...
saqqa mara gaya...

neend aati ho jise baap ke seene pe sada
jalti reti pe bhala usko sulaun kaise
roke zainab ne kaha...
saqqa mara gaya...

gir gayi naaqe se ay shimr sakina meri
chor kar isko qadam aagey badaun kaise
roke zainab ne kaha...
saqqa mara gaya...

jalte suraj ne bhi chehre ko mere dekha nahi
nange sar sham ke bazaar may jaun kaise
roke zainab ne kaha...
saqqa mara gaya...

bas ye armaan tha najaf ghar ko sakina jaati
godh may maut ke soyi hai jagaun kaise
roke zainab ne kaha...
saqqa mara gaya...
Noha - Roke Zainab Ne Kaha
Shayar: Syed Najaf
Nohaqan: Nisar Hussain (Azadari Murshidabad)
Download Mp3
Listen Online