sina pe bol raha hai hussain ibne ali
lahoo may apne naha kar, hazaar sadme utha kar
yazeediyat ko mita kar
khuda ke deen ka parcham baland maine kiya
kisi yazeed may taaqat kahan jhukaye mujhe
safar ba noke sina khud pasand maine kiya
sune ye saara zamana hussain ki awaz

qubool is liye naize ki nauk ki maine
mera kata hua sar dushmano se past na ho
mai sar uthaye huwe dushmano se kehta hoo
hussain hota wohi hai jise shikast na ho
mere azadaron ay mere ghamkharon
tumahre azm ko mere salaam

rahe salamat ta qayamat rahe salamat ishq e hussaini
range wafa dikhlata hai
warna kaun kisi ki khaatir apna khoon bahata hai

ye kaale kapde jo zeb e tan hai ishq e hussaini ki hai daleel
jhoole amari taziyadari seena zani pani ki sabeel
pehle aza ko ye tehzeebe ishq e hussain sikhata hai
rahe salamat...

ye chote bache aur shabbe daari yun to bada mushkil hai safar
socho agar tum ahle zamana ishq e hussaini ka hai asar
ishq e hussain hi in bachon ko farshe aza tak laata hai
rahe salamat...

dekho zara tum kaabe may jaa kar sirf musalman honge wahan
farshe aza wo waahid jagah hai apne paraye hai jahan
aata wohi hai farshe aza par jisko hussain bulata hai
rahe salamat...

wo jo binaye farhse aza hai hum hai usi bibi ki dua
ishq e hussaini tha uske dil may aur hamay virse may mila
jisko mila virse may ye matam ahle aza kehlata hai
rahe salamat...

ishq e hussaini dil may basa kar zinda rakhi ghazi ne wafa
jisne wafa ko zinda rakha hai bali sakina ka hai chacha
usko dua deti hai sakina jo bhi alam ko utha-ta hai
rahe salamat...

ishq e hussaini hai namazein ishq e hussaini farshe aza
ishq e hussaini sholon pe chalna seena zani zanjeer o khama
ishq e hussaini ti taaqat se matami khoon may nahata hai
rahe salamat...

suno mazhar o irfan ay azadaran e man
yehi wo shohdaye karbala hai jinhone hal min ki sada par laabbaik kaha
aur mere ishq may apni jaano ka nazrana pesh kiya
Noha - Rahe Salamat
Shayar: Mazhar
Nohaqan: Irfan Hyder
Download Mp3
Listen Online