haye abbas haye abbas
mashk chidi bazu katay qatl alamdar hua
thi labe hussain par buka, lachaar hua mai
khaak udaye hussain dashte bayaban may
qatl alamdar hogaya, laachar hua mai

aaj ali ka pisar ran may akela hua
laashe shaheedo ke hai charo taraf ashkiyan
ghul hai mera karbala aankh meri alqama
kaun sahara banay zulm ke toofan may
qatl alamdar hogaya, laachar hua mai
khaak udaye hussain....

shiddate aalam se kaamp raha hai badan
aayenge imdad ko shere khuda sab shikan
bekas o laachar hai ek ghareebul watan
koi maseela nahi aaj bayaban may
qatl alamdar hogaya, laachar hua mai
khaak udaye hussain....

bhai ki sunkar sada dasht ko sarwar chalay
padte huwe marsiya aankhon may aansoo liye
raah may mazloom ko bhai ke baazu milay
ek qayamat hui gham se dil o jaan may
qatl alamdar hogaya, laachar hua mai
khaak udaye hussain....

baazu uthate huwe bolay shahe karbala
jeene se bezaar hai ibne shahe la fata
zapt ke bandhan sabhi toot gaye hai khuda
koi kami ab nahi maut ke samaan may
qatl alamdar hogaya, laachar hua mai
khaak udaye hussain....

thokare khaake chalay haath rakhe qalb par
furqate abbas may tooti hui thi kamar
kehte rahe har qadam qalb o jigar peeth kar
naam mera likh gaya dard ke quran may
qatl alamdar hogaya, laachar hua mai
khaak udaye hussain....

shah ko al muktasar bhai ka laasha mila
thaam ke dil shahe deen karne lagay marsiya
saath hamara abhi choro nahi ba-wafa
kehte thay ahle sitam zulm ke maidan may
qatl alamdar hogaya, laachar hua mai
khaak udaye hussain....

dam tha labon par ruka kehne laga ba-wafa
aakhri dedaar ko baakhi tha ye silsila
bhai ko bhai kaha jaame shahadat piya
aur baday ranj o gham dard pareshan may
qatl alamdar hogaya, laachar hua mai
khaak udaye hussain....

khoon may dooba alam laaye jo shahe zaman
qaimo may kohraam tha bhai se boli bahan
chor ke abbas ko aaye ho kyun pur mahan
shah ne rokar kaha dashte bayaban may
qatl alamdar hogaya, laachar hua mai
khaak udaye hussain....

safdar o mazhar bhala kaise bayan ho wo gham
bali sakina ke thay bain ye zere alam
laut bhi aao chacha aapko meri qasam
hashr utha qaimaye sayyede zeeshan may
qatl alamdar hogaya, laachar hua mai
khaak udaye hussain....
Noha - Qatl Alamdar Hogaya
Shayar: Mazhar Abdi
Nohaqan: Safdar Abbas
Download Mp3
Listen Online