qaidi bani maqtal may khadi hai qaidi churane wali zainab
kaise bachaye khud ko sitam se deen bachane wali zainab
deen e khuda marhoon hai tera khaliq khud mamnoon hai tera
apni rida se deen e khuda ka parda banane wali zainab
qaidi bani maqtal...
khaak pe baithi soch rahi hai kaise apne baal chupaye
bikhre huwe baalon se apna chehra chupane wali zainab
qaidi bani maqtal...
aankh may aansu paon may chaalay balon may hai khaak safar ki
ranj o alam sehne aayi hai dard batane wali zainab
qaidi bani maqtal...
aaj usay sab koofe waale baaghi ki hamsheer kahenge
kal koofe may thi shehzadi jo kehlane wali zainab
qaidi bani maqtal...
karbobala ka sog manati sham ke bazaron may aayi
apne watan may be-aason ki aas banane wali zainab
qaidi bani maqtal...
ek sahaare baat rahi thi ek sahaara dhoond rahi hai
dasht may aane waali zainab dasht se jaane wali zainab
qaidi bani maqtal...
noor ali ab is se badkar aur qayamat kya guzregi
bazaron may be-parda hai parda sikhane wali zainab
qaidi bani maqtal...
|
|
