qaid khane may andhera hi andhera hoga
is may ek choti si bachi ka janaza hoga

bediyan paon may hathon pa bahan ka laasha
soche kis tarhe se abid ne uthaaya hoga
qaid khane may...

poochti rehti thi zainab se sakina payham
kya watan laut ke humko kabhi jaana hoga
qaid khane may...

wo sakina jise seene pe sulaate thay hussain
kya khabar thi ke tamache usay khaana hoga
qaid khane may...

baaliyan kaano se jab shimr ne cheeni hongi
us ghadi laashaye abbas bhi tadpa hoga
qaid khane may...

har tamache pa ye kehti thi ye kamsin bachi
ay shaki ruk abhi ammu mera aata hoga
qaid khane may...
Noha - Qaid Khane May
Shayar: Haider Mirza
Nohaqan: Syed Raza Ali
Download Mp3
Listen Online