پیاسے پہ عجب وقت قیامت کا پڑا ہے
اک لاش ابھی لایا ہے اک لینے چلا ہے
پیاسے پہ عجب وقت ۔۔۔

یہ حُر کا ہے وہ بھائی کا یہ بیٹے کا لاشہ
زہرا کا پسر گنجِ شہیداں میں پڑا ہے
پیاسے پہ عجب وقت ۔۔۔

زینب تیری چادر کا خدا حافظ و ناصر
لشکر نہ علم اور نہ علمدار بچا ہے
پیاسے پہ عجب وقت ۔۔۔

یہ آخری ہدیہ تھا حسین ابنِ علی کا
یہ بچا ابھی تیر سے جو مارا گیا ہے
پیاسے پہ عجب وقت ۔۔۔

منہ ڈھانپ لو اماں کہ نظر آئیں نہ نیزے
نیزوں سے یہی عون و محمد کی صدا ہے
پیاسے پہ عجب وقت ۔۔۔

چھُپ چھُپ کے اُسے روئی تھی اک رات کی بیاہی
وہ دُلہا جو بے گورو کفن رن میں پڑا ہے
پیاسے پہ عجب وقت ۔۔۔

لیلیٰ تیرے اکبر نے نہیں کھایا ہے نیزہ
یہ نیزہ دلِ سبطِ پیعمبر میں لگا ہے
پیاسے پہ عجب وقت ۔۔۔

ماں جھُولا جھُلاتی ہے خیالوں میں ابھی تک
اب جھُولنے والا نہیں باقی یہ پتہ ہے
پیاسے پہ عجب وقت ۔۔۔

جس خاک پر خوں بہہ گیا زہرا کے جگر کا
وہ خاک فقط خاک نہیں خاکِ شفائ ہے
پیاسے پہ عجب وقت ۔۔۔

ہے مجلسِ شبیر میں عباس کا ماتم
ریحان یہ غازی کی وفائوں کا صلہ ہے
پیاسے پہ عجب وقت ۔۔۔


pyase pe ajab waqt qayamat ka pada hai
ek laash abhi laaya hai ek lene chala hai
pyase pe ajab waqt....

yeh hur ka hai wo bhai ka yeh bete ka laasha
zehra ka pisar ganje shaheeda may pada hai
pyase pe ajab waqt....

zainab teri chaadar ka khuda haafiz-o-naasir
lashkar na alam aur na alamdar bacha hai
pyase pe ajab waqt....

yeh aakhri hadya tha hussain ibne ali ka
yeh bacha abhi teer se jo maara gaya hai
pyase pe ajab waqt....

moo dhaamp lo amma nazar ke aaye na naize
naizon se yehi aun-o-mohammed ki sada hai
pyase pe ajab waqt....

chup chup ke usay royi thi ek raat ki byahi
woh dulha jo be-goro kafan ran me pada hai
pyase pe ajab waqt....

laila tere akbar ne nahi khaaya hai naiza
yeh naize dil-e-sibte payambar may laga hai
pyase pe ajab waqt....

maa jhoola jhulaati hai khayalon may abhi tak
ab jhoolne wala nahi baakhi ye pata hai
pyase pe ajab waqt....

jis khaak par khoon beh gaya zehra ke jigar ka
woh khaakh fakhad khaak nahi khaake shifa hai
pyase pe ajab waqt....

hai majlis-e-shabbir may abbas ka matam
rehaan ye ghazi ki wafaon ka sila hai
pyase pe ajab waqt....
Noha - Pyase Pe Ajab Waqt
Shayar: Rehaan Azmi
Nohaqan: Nadeem Sarwar
Download Mp3
Listen Online