haye mazlooma haye sakina
haye masooma haye sakina

pani masooma ne maanga to tamache khaaye
roke baba ko bulaya to tamache khaaye
haye sakina haye sakina

cheen ne aaya jo zainab ki rida bachi ne
shimr ko rokna chaha to tamache khaaye
pani masooma ne...

jalte qaime se nikalte huve shehzadi ne
raasta poocha najaf ka to tamache khaaye
pani masooma ne...

dhoondti thi wo tamachon ki shikayat ke liye
mil gaya baap ka laasha tamache khaaye
pani masooma ne...

gir gayi thi wo kahin chalte huwe naaqe se
shimr jab dhoond ke laaya to tamache khaaye
pani masooma ne...

apne chehre ko tamachon se bachane ke liye
nanhe haathon se chupaya to tamache khaaye
pani masooma ne...

ye to acha hi huwa dil may kaha karti thi
na rahe jab mere baba to tamache khaaye
pani masooma ne...

khaaye zainab ne kayi durre bhatije ke liye
isne baaqir to bachaya to tamache khaaye
pani masooma ne...

koofa o shaam ke bazaron may chalte chalte
thak ke baithi jo sakina to tamache khaaye
pani masooma ne...

mir sajjad sakina bhi hai zahra ki tarha
ho gayi jab ye yateema to tamache khaaye
pani masooma ne...
Noha - Pani Masooma Ne

Shayar: Mir Sajjad
Nohaqan: Shahid Baltistani
Download Mp3
Listen Online