pamaal laasha dekh ke kehti hai bibiyan
zahra ki tarha tooti hai qasim ki phasliyan

tukde pukaare dasht may labbaik ya hussain
aa kar kaha jo maula ne qasim ho tum kahan
pamaal laasha dekh ke...

pamaal jeete ji jo hua hai usay salaam
ro kar lahoo ye kehte hai khud saahib-uz-zamaan
pamaal laasha dekh ke...

aajao mere bhai talak bolay ye hassan
qasim na lo hussain ki ghurbat ka imtehan
pamaal laasha dekh ke...

ye keh ke kuch nishano ko sheh choomne lagay
abbas dekho ragdi hai qasim ne aediyan
pamaal laasha dekh ke...

tukde uthane laash ke sarwar ke saath saath
zahra gayi hai dasht may jaane kahan kahan
pamaal laasha dekh ke...

pamaal ho na laash chacha ki ye soch kar
lipta hua sumon se hai farwa ka naujawan
pamaal laasha dekh ke...

maadar karegi kis tarha dedaar aakhri
haye sumon ke chand se chehre pe hai nishan
pamaal laasha dekh ke...

lagta hai mujh ko mir takallum qayam se
ab bhi sunayi deti hai farwa ki hichkiyan
pamaal laasha dekh ke...
Noha - Pamaal Laasha Dekh Ke
Shayar: Mir Takallum
Nohaqan: Mir Hassan Mir
Download Mp3
Listen Online