nabi ki fikr ali ka jalaal hai zainab

na hoti ye to adhoori thi karbala e hussain
buland ab bhi fiza may hai ye sada e hussain
yehi to hai ba-khuda baniye aza e hussain
meri shareek mera ham khayal hai zainab
nabi ki fikr...

qadam qadam pe musibat hai aur pareshani
shikast zulm ke haathon magar nahi maani
aseer kunbe ki karti rahi nigehbani
jawan hai azme faza phir nidhaal hai zainab
nabi ki fikr...

hussain charke sadaqat ye aaftabe wafa
hussain deen ki baqa hai hussainiyat ki baqa
dayare koofa o darbare sham may ba-khuda
namoonaye asade zuljalaal hai zainab
nabi ki fikr...

watan se door gham aansu aur bechaini
na poochiye ke ghareebul watan pe kya guzri
uthaye kis tarha zindan e sham ki sakhti
aseer zulm sitam khastajan hai zainab
nabi ki fikr...

nigahe dehr na dekhi na aisi qurbani
hua na saaniye zehra ka phir koi saani
ghame hussain ki soorat hai ye wila fani
baqa hussain ko hai la zawal hai zainab
nabi ki fikr...

hai sabr o shukr ka andaz sayyeda ki tarha
amal ki raah may tewar hai murtaza ki tarha
sifaat o azm hai abbas ba-wafa ki tarha
hussain hi ki tarha be-misaal hai zainab
nabi ki fikr...

khuli jo aankh to sadma uthaya madar ka
shafiq baap ka sadma kabhi biradar ka
musafirat ne diya daagh phir bahattar ka
azal se hi ba-khuda pur malaal hai zainab
nabi ki fikr...
Noha - Nabi Ki Fikr
Shayar: Shafiq
Nohaqan: Azadari Murshidabad
Download Mp3
Listen Online