na jee payegi fizza
zainab na tujhe chor ke jee payegi fizza
ro ro ke teri qabr pe mar jayegi fizza
zainab na...

bibi tujhe maine kabhi tanha nahi chora
hadh ye hai masaib may bhi rishta nahi toda
nauha yehi turbat pa padi jayegi fizza
zainab na...

dushwaar hai pardes may is gham ka uthana
mat aalam e ghurbat may mujhe chor ke jaana
kya jaake watan walon ko batla-yegi fizza
zainab na...

zakhmon se tapakta hai abhi khoon badan pe
kaala hai abhi neel bhi shano may rasan ke
kis tarha kafan laash ko pehna-yegi fizza
zainab na...

na dil ko sukoon hai na tasalli hai zara si
dunya se sidhaari hai mohamed ki nawasi
sar peet ke turbat pe ye chilla-yegi fiiza
zainab na...

pardes may ye kis ki nazar kha gayi bibi
mai zinda rahi tumko ajal aagayi bibi
ye daur judaai ka na seh payegi fizza
zainab na...

phir qabr se awaaz ye aayi kayi baari
is zor se turbat pa na kar girya o zaari
amma meri turbat may tadap jayegi fizza
zainab na...

in zakhmon ka akhtar kabhi marham na milega
kaabe ki zameen aur kabhi arsh hilega
jab jab bhi masaib tere dohra-yegi fizza
zainab na...
Noha - Na Jee Payegi
Shayar: Akhtar
Nohaqan: Irfan Hussain
Download Mp3
Listen Online