muslim ke shahzade
haye ibrahim haye mohamed
laal ruqayya ke muslim ke shahzade

koofe may ghir gaye hai muslim ke shahzade
koi zara ye jaakar abbas ko batade
koofe may ghir...

jaane de hum ko zaalim haaris se bole bache
phirte hai maare maaare do din se bhuke pyase
sar kaatne se pehle pani hamay pilaade
koofe may ghir...

lagte thay jab tamache maa ko pukarte thay
hasta tha jab sitamgar kehte thay roke bache
zaalim hamari koi taqseer to batade
koofe may ghir...

dil par asar hai itna abbas ki wafa ka
khwahish bade ki hai wo qurban pehle hoga
chota ye chahta hai wo pehle sar katade
koofe may ghir...

jis ko ameer muslim sheh ne laqab diya tha
aulad par usi ki aaya hai waqt kaisa
jo chahe ghurkiyan de jo chahe wo saza de
koofe may ghir...

muslim ki thi wasiyat do mere laadle hai
aafat padi hai aisi mujhse bichad gaye hai
mar jaun jab mai koi maa se unhe milaade
koofe may ghir...

dhoondo yahin kahin hai unse bhi badla loonga
haakim ye keh raha tha inaam usko doonga
ghazi ke bhanjo ko jo qaid kar ke laa de
koofe may ghir...

koofe ke dar pe jis dam muslim ki laash dekhi
akbar kaha ye maa ne ro ro ke mere waali
batlade bas kahan hai aaqa kaneez zaade

haye ibrahim haye mohamed..
Noha - Muslim Ke Shahzade
Shayar: Akbar
Nohaqan: Mir Hassan Mir
Download Mp3
Listen Online