mohibbo mushkil kusha ki rehlat ka waqt nazdeek aa raha hai
udao khaaq ab saron pe apna imam dunya se ja raha hai

pada hai ghash may jahan ka maula charaghe hasti ki lau bhi kam hai
umeed bachne ki kuch nahi hai khidaab sar ka bata raha hai
udao khaaq ab....

ajab nahi ab wafoore gham se khaleel sar apna peet te hai
ke ghar may khaaliq ke ibne muljim charaghe kaaba bujha raha hai
udao khaaq ab....

ajeeb kaifiyate alam hai ye kaise aalam hai bekasi ka
ke aah kulsoom par falak bhi lahoo ke aansu baha raha hai
udao khaaq ab....

wo marge akbar wo beridayi wo raahe kufa wp waid khana
koi ye zainab ke dil se pooche nazar may kya kya sama raha hai
udao khaaq ab....

hassan se koi zara ye kehde abhi kaleja na thamiyega
abhi wo manzar hai door maula abhi se kyun dard e dil utha hai
udao khaaq ab....

kabhi ye maidan e karbala se uthayega naujawan ki mayyat
hussain koofe may aaj apne pidar ka laasha utha raha hai
udao khaaq ab....

ali ne abbas ko jo dekha to ashk ankhon may laake bolay
abhi ye manzar nazar se guzra kahin tu shane kata raha hai
udao khaaq ab....

nahi hai taabe nazar kisi ko magar ye mehsoos ho raha hai
batool aansu baha rahi hai viqar nauha suna raha hai
udao khaaq ab....
Noha - Mohibbo Mushkil
Shayar: Viqar Nagri
Nohaqan: Mirza Sikander Ali
Download Mp3
Listen Online