salle ala nabiana salle ala mohamdin
sallalahu alaihe wa sallam
mohamed hamare badi shan wale
wo nabiyon may rehmat laqab paane wale

khuda jiske seene pe quran utaare
musdassir kahe aur muzammil pukaare
wo noor e khuda do jahan ke ujaale
mohamed hamare...

jab aaye zameen par mohamed hamare
falak ne zameen pe bichaye sitaare
uthe sar zameen e arab se ye naare
mohamed hamare...

nawase jo roye to roye mohamed
wo jab tak na soye na soye mohamed
do aankhein nabi ki thay dono nawase
mohamed hamare...

nawasa mazaare mohamed pe aaya
kaha pyare nana ye wada hai mera
hai islam ab karbala ke hawale
mohamed hamare...

sada aayi qabr e mohamed se beta
duago hai nana ali aur zehra
chale ghazi abbas parcham sambhale
mohamed hamare...

wo ashoor ka din mohamed ka kunba
jo maqtal may deen ko lahoo de raha tha
ye keh keh ke seeno pe khaaye hai bhaale
mohamed hamare...

rehan o ali jee azadar e sarwar
ghulaman e hyder ghulam e payambar
sada is sada se zamana mila le
mohamed hamare...
Noha - Mohamed Hamare
Shayar: Rehaz Azmi
Nohaqan: Ali Jee
Download Mp3
Listen Online