farshe majlis pe fathema zehra lamha lamha shumaar karti hai
ay azadaro aao majlis may fathema intezaar karti hai

ay azadaro suno keh rahi hai sayyeda

har ek chahne wale ko bakshwa doongi
mere hussain ko rote raho dua doongi

tum apne ghar ay azakhane jab sajaoge
jaza rasool se iski zaroor paaoge
khuda bhi razi rahega ali bhi aur mai bhi
gham apna bhool ke ashoor jab manaoge
tumhare dil ke har ek zakhm ki dawa doongi
mere hussain ko rote....

ajeeb haal se aaungi mai sare mehshar
ke laaungi mai wahan godh may hussain ka sar
mai laaungi mere abbas ke kate huye haath
to saath laashaye asghar bhi aur hassan ka jigar
khuda se baba ki ummat ko bakshwa doongi
mere hussain ko rote....

ba waqt e asr guluye hussain kat-ta tha
pisar ke gird phiri roohe fathema zehra
nidaye fathema aati thi aah wavaila
ke chakki pees ke maine hussain ko paala
karo na watl isay mai tumhay dua doongi
mere hussain ko rote....

meri sakina o zainab ki sab kaneeze sunay
waseeyat ye ek meri hai dhyan may rakhe
kabhi jo zikr ho zainab ki beridayi ka
to ek lamha bhi khud ko wo berida na kare
mai tumko betiyan zainab si baah la doongi
mere hussain ko rote....

tum is jahan may hamara sahara ban jao
hamare bhai se izzat to banke dikhlao
na aiso ho apne kisi amal se kabhi
aza ki rooh ko noksaan tum na pahunchao
ye mere wada hai mai tumko bakshwa doongi
mere hussain ko rote....

jo umr bhar mere bachon ka nauha pa hoga
ba roze hashr wo utna hi shadman hoga
jo nauhe likhte rahe mazhar abdi yuhin
qalam ye ta ba qayamat yuhin rawan hoga
har ek bayt pe jannat may ghar dila doongi
mere hussain ko rote....
Noha - Mere Hussain Ko Rote
Shayar: Mazhar Abdi
Nohaqan: Shadman Raza
Download Mp3
Listen Online