لپٹ کے شاہ سے کہتی ہے فاطمہ رو کے
میرے حسین میں کتنے تیر نکالوں کہ تم کو چین ملے

بتا حسین زیادہ ہے درد کس جا پر
کے ماں نکال لے وہ تیر یا علی کہہ کر
تڑپنا دیکھا نہیں جاتا اب تو مادر سے
میرے حسین میں۔۔۔

وہ جس کو پیار سے اٹھارہ سال پالا ہے
اُسی کے سینے پہ ظالم نے نیزہ مارا ہے
جوان کے سینے سے کھینچی ہے خود سِناں توں نے
میرے حسین میں۔۔۔

نہ ہاتھ پہلو سے اُٹھا نہ تھم سکے آنسو
تمہیں تو یاد ہے زخمی ہوا میرا پہلو
چھپا نہ پائو گے پہلو کا درد اب ماں سے
میرے حسین میں۔۔۔

تمہیں رکھا ہے سدا اپنی چھائوں میں میں نے
بلا کی دھوپ ہے مقتل میں اے میرے بچے
تمہاری لاش پہ سایہ کروں گی بالوں سے
میرے حسین میں۔۔۔

قضا نے تجھ سے مجھے کمسنی میں چھین لیا
زمانہ ہو گیا تجھ سے ملے ہوئے بیٹا
لگا لوں پھر تجھے سینے تو مجھ کو چین ملے
میرے حسین میں۔۔۔

نصیب تک نہ ہوا جلتی خاک کا بستر
دمِ اخیر تمہارا بدن ہے تیروں پر
تمہیں یہ تیر تڑپنے تلک نہیں دیتے
میرے حسین میں۔۔۔

حسین بولے مبارک یہ ماں سے روتے ہوئے
اے ماں نکال لو بس تیرمیرے پہلو سے
جبیں ہو سجدے میں جس وقت میرا دم نکلے
میرے حسین میں۔۔۔


lipat ke shah se kehti hai fathema roke
mere hussain mai kitne teer nikaloo tumko chain milay

bata ussain zyada hai dard kis ja par
ke maa nikaal wo teer ya ali kehkar
tadapna dekha nahi jaata ba to maadar se
mere hussain mai...

wo jisko pyar se athara saal paala hai
usi ke seene pe zaalim ne naiza maara hai
jawan ke seene se khaynchi hai khud sina tune
mere hussain mai...

na haath pehlu se utha na tham sake aansoo
tumhay to yaad hai zakhmi huwa mera pehlu
chupa na paoge pehlu ka dard ab maa se
mere hussain mai...

tumhay rakha hai sada apni chao may maine
bala ki dhoop hai maqtal may ay mere bachay
tumhari laash pe saaya karoongi baalon se
mere hussain mai...

khaza ne tujhse mujhe kamsini may cheen liya
zamana hogaya tujhse milay huwe beta
lagaloo phir tujhe seene to mujhko chain milay
mere hussain mai...

naseeb tak na huwa jalti khaak ka bistar
dame akheer tumhara badan hai teero par
tumhay ye teer tadapne talak nahi dete
mere hussain mai...

hussain bolay mubarak ye maa se rote huwe
ay maa nikaal lo bas teer mere pehlu se
jabeen ho sajde may jis waqt mera dum nikle
mere hussain mai...
Noha - Mere Hussain

Nohaqan: Mir Hassan Mir
Download Mp3
Listen Online