sarwar ka gala khushk tha aur kund tha khanjar
reh reh ke phirata tha layeen sookhe galay par
teeron pe muallaq raha shabbir ka laasha
maa kehti rahi godh may aaja mere beta
mai pyasa tahe taygh tadapta raha amma
aur saamne behta hua darya raha amma
kat-ta tha gala mera qayamat ki ghadi thi
zainab dare qaime se khadi dekh rahi thi
khanjar mere halqoom pe chalta raha amma
aur saamne behta hua darya raha amma
mai pyasa tahe....
gehwara jhulate thay kabhi jiska farishte
is tarha usay qatl kiya shimr e layeen ne
pyasa dam e aakhir mai tadapta raha amma
aur saamne behta hua darya raha amma
mai pyasa tahe....
wo hota jo zinda to mujhe kuch nahi hota
aaja ta madad ko mera abbas kahan tha
laasha mere bhaiya ka larazta raha amma
aur saamne behta hua darya raha amma
mai pyasa tahe....
tapte huwe sehra pe ajab zulm tha mujhpar
amma wo sitamgar ka bahot kund tha khanjar
kat-ti thi ragay jism uchalta raha amma
aur saamne behta hua darya raha amma
mai pyasa tahe....
thay zakhm bahot hi tane mazloom pa amma
khanjar tha rawan shimr ka halqoon pa amma
pehlu may jo naiza tha wo chubta raha amma
aur saamne behta hua darya raha amma
mai pyasa tahe....
tanha tha mai har simt se ghere thay sitamgar
abbas na zinda thay na zinda ali akbar
sadma mujhe in sab ka rulaata raha amma
aur saamne behta hua darya raha amma
mai pyasa tahe....
aisa tahe khanjar tha guluye shahe waala
ha zer e tan e shah wo tapta hua sehra
har saans pe takleef utha-ta raha amma
aur saamne behta hua darya raha amma
mai pyasa tahe....
sarwar ke masaib pe zamana hai tadapta
pur zard ye nauha jo mubarak ne hai likha
is bain pe rehan tadapta raha amma
aur saamne behta hua darya raha amma
mai pyasa tahe....
|
|
