mai khake karbala hoo rutba mera juda hai
binte ali ne mujhko chadar bana liya hai

karte hai rashk mujhpar kausar ke bhi kinare
zainab ke sar may maine do saal hai guzaare
mera har ek zarra har zulm ka gawah hai
mai khake...

akbar jawan qasim ghazi se chand taare
zainulliba ne meri aagosh may utaare
yani lahoo nabi ka mujhme mila hua hai
mai khake...

roti hoo yaad karke wo bekasi ka manzar
maula chupa rahe thay mujhme wo laashe asghar
haa us din se aaj tak na mujhko sukoon mila hai
mai khake...

shohda e karbala ke zakhmo ko miane chooma
zehra ki betiyon ke khadmo ko maine chooma
is waaste hi meri taaseer may shifa hai
mai khake...

akbar ki laash par jab shabbir jaa rahe thay
uth-thay thay baiththay thay aur ladkhada rahe thay
manzar wo ab bhi meri aankhon may phir raha hai
mai khake...

ay zayareene maula chalna yahan sambhal kar
quran fatema ka bikhra hua hai mujhpar
na jaane kis jagah par kiska lahoo gira hai
mai khake...

tauqeer tu bhi karle aale aba ka matam
ja sham may gayi thi us berida ka matam
mamnoon matami ki maqdooma fatema hai
mai khake...
Noha - Mai Khake Karbala
Shayar: Tauqeer
Nohaqan: Mir Hassan Mir
Download Mp3
Listen Online