goonji ba waqt asr sada mai hussain hoo
kaato na mera khusk gala mai hussain hoo
sookhi hui hai shimr mere halq ki ragein
aahista tu churi chala mai hussain hoo
goonji ba waqt...
amma kisi ne pani ki ek boondh bhi na di
mai baar baar kehta raha mai hussain hoo
goonji ba waqt...
kat ta hua gala mera dekha na jayega
nana mai hoo nawasa tera mai hussain hoo
goonji ba waqt...
be bazuon ki laash tadap kar ulat gayi
aayi furaat par jo sada mai hussain hoo
goonji ba waqt...
zaanu pe rakh ke sar ko kaha ek zayeef ne
akbar kahan hai dard bata mai hussain hoo
goonji ba waqt...
ay shamiyon kafan na diya mujhko gham nahi
dedo meri behan ko rida mai hussain hoo
goonji ba waqt...
mehsoos ab bhi hota hai ye zaaireen ko
rauze se aa rahi hai sada mai hussain hoo
goonji ba waqt...
aisa laga raza ke shanawar se fatema
kehti hai baar baar suna mai hussain hoo
goonji ba waqt...
|
|
