logon mere hussain ko dekha hai tumne kya
aakar yehi juloos may kehta hai zuljana

aati hai uske khoon ki kushboo jo baar baar
mehsoos ho raha hai yahin hai mera sawaar
aaya hai kya juloos may mazloom e karbala
logon mere...
aakar yehi...

saydaniya tadapti thi mehshar si thi ghadi
hai yaad mujhko aahkri ruqsat hussain ki
zainab ne mujhko saumpa tha beta batool ka
logon mere...
aakar yehi...

dekha jo maine pyase ki aankhon may intezar
qadmo ko choom choom ke kehta tha baar baar
sughra ke paas le chaloon gar hukm ho tera
logon mere...

pyase ka mere zeen pe sambhalna mahaal tha
barchi jigar may teer bandan may ye haal tha
uthra tha ek nashayb may zahra ka laadla
logon mere...

muddat se hai talaash ghareeb ud dayaar ki
pehchan ek ye bhi hai mere sawaar ki
chehre se khoon asghar e baysheer hai mala
logon mere...
aakar yehi...

zakhmo se be-watan se baha khoon is qadar
meri jabeen pe baad pe zeen par rakhaab par
mazloom e karbala ka lahoo hai laga hua
logon mere...
aakar yehi...

gardan hai uski yun bhi takallum jhuki hui
apna sawaar dhoond raha hai ye aaj bhi
bichda hai un hussain se ab tak nahi mila
logon mere...
aakar yehi...
Noha - Logon Mere Hussain Ko
Shayar: Mir Takallum
Nohaqan: Mir Hassan Mir
Download Mp3
Listen Online